Тропарь и кондак прав. Иакову Боровичскому

Тропарь, глас 1

Божественною благодатию просветився,  и по смерти даруеши исцеление  притекающим к тебе, премудре Иакове:  темже и мы ныне чтим честных мощей пренесение,  веселяще вкупе души и телеса.  Тем вси вопием:  слава Давшему ти крепость!  Слава Венчавшему тя!  Слава Действующему тобою всем исцеления!

Кондак, глас 8

Верою и любовию твое честное пренесение празднующих, блаженне, сохрани и соблюди от свякия злобы, и соблазна змиина: имаши бо дерзновение ко владыце всех Христу Богу. Егоже моли спасти императора православнаго, и люди молящыя тя, да вси вопием ти: радуйся отче Иакове, всея российския земли удобрение.