Свт. Иркутский Иннокентий (Кульчицкий). Поучение в неделю сыропустную

	Святитель Иннокентий Иркутский

Аще отпущаете человеком согрешения их, отпустит и вам Отец ваш небесный прегрешения ваша.
Словеса суть Евангелиста Матфея, в зачале 17 положенная (Мф.6,14, Марк 11,25).

Всякий человек, аще хощет себе построит дом или град, то первее место уготовляет и крепкое основание полагает и на том основании вся созидает, елико хощет, и всякую тяготу полагает на основании том, не подвижитбося. Тако и ты христианине, аще хощеши взыти на высоту добродетелей и хощеши создати дом духовный без труда, а в том дому вечно жити и сокровища своя полагати, да не покрадут его невидимые татие, тогда ты положи в души твоей основание крепкое: во первых трехвидную добродетель: веру правую, упование нелицемерное и любовь совершенную; сию бо добродетель - любовь хощет Господь вкоренити в сердца наша, тако рек: аще отпущаете человеком согрешения их, отпустит и вам Отец ваш небесный прегрешения ваша; сими словесы кратко связа Господь, но не разрешено; аще не отпустиши ближнему твоему прегрешения его, и тебе не отпустит Отец твой небесный множество грехов твоих". Помысли, о злопомнителю, аще еси не грешен; мне же мнится, яко зело грешен еси, аще ты за гневом не зришь греха твоего, аз покажу тебе, яко всяк гневаяйся на брата своего, повинен есть суду (Мф.5.22). Коему суду? Оному страшному, еже рече Господь: не осуждайте, да не осуждени будете (Лук.6.37). И сего ради запрещает Господь не глаголати сице, да пресечет жилу гнева. Возлюбленна! Аще хощеши злобу и гнев твой познати, таков есть гнев: зельнейший от всякаго пламене и лютейший от всякаго яда смертоносна. Пламень бо грады пожигает. Гнев же спасение человеческое погубляет. Яд едино тело убивает, гнев же - и душу. Он губитель рода человеча от начала мира. Сей святительскую и царскую кровь нещадно проливает и с прахом мешает, и незлобивых строчат, яко серп, безгодно пожинает, старческую седину ни во что вменяет и цвет юности без милости губит. И не до сих стает, но и на Вышняго, яко лев, хулою рыкает. От уст его проливается море кровавое, от очей его исходит пламень, поядающий всю вселенную. Се бо по истине действо гнева твоего. О памятозлобне! Рцы ми, еде ди несть в гневе твоем греха? О гневливе! Престани от гнева и остави ярость и восприими любовь, к тому же сохрани и сей святый пост; его веда познаете силу, со вниманием слышите, что то есть пост. Пост бо есть многоразличен: а) удержание от сладких брашен и от пиянства; а пиянством и сластолюбием многие угождают своему чреву и работают, аки Богу, имуще вседневное насыщение и сласть вместо Бога. б) Пост есть удержание всех страстей в чувствах: не смотрети очимо где не прилично; не слушати ушима, где скаредно; не обоняти носом, где богомерзско; не щупати руками, где срамно; не ходити путь ногами, где пагубно и негодно. Аще бы и Адам, отец наш, сохранил пост, не изгнан бы был из рая. Коего поста Адам не сохранил? Послушайте. Егда Бог Адама ввел в рай, тогда заповедал Адаму поститися от древа, еже посреде рая, не ясти от него; он же от древа яде, преступи заповедь Божию. За то выгнан бысть из рая и о изгнании своем плакася, якоже Церковь поет: седе Адам прямо рая и свою наготу рыдая, плакате: увы мне прелестию лукавою увещанну бывшу и окрадену и славы удалену! Увы мне, простотою нагу, ныне же недоуменну! Но, о раю, к тому твоея сладости не наслаждуся, к тому не узрю Бога моего и Содетеля, в землю бо пойду, от нея же взят бых! И того ради не воздержания церковь Божия указа святые посты, да и мы удержимся ох брашен и пития, и постои смирившеся, в покаяние приидем и воспомянем грех. Вопрошу вы, что есть грех? Подобает любви вашей знати; грех есть преступление заповеди Божией. От Бога заповедано не убий, не укради, а ты человече убиеши и украдеши, то и грех. Но на первое возвратимся. Что есть пост? Удержание брашен глаголется пост, или удержание от злых дел, аще творим злая дела. Не велика есть польза в том, чтобы хлеба не ясти. Господь глаголет: не такого поста избрах Аз, еже не ясти вам или не пити, аще бо и ясте, аще пиете, вся в славу Божию творите ( Кор.- 51), глаголет Апостоле. Диавол, нарицаемый сатана, никогда хлеба не яст и вина не пиет, а всегда злое мыслит роду человеческому, чтобы кого ввести в брань и тяжбы, и яко лев рыкая, ходит, иский кого поглотите (I Петр. 5.8). А вы братие поститеся тадо: разрешайте всякий неправды, уклоняйтеся от клеветы, от зависти, от свара, от разбоя, от неправедной мзды, от ограбления, от ростоимания, от корчемнаго прикупления; а ныне у нас то и лучшее дело, чтобы вина накупить, хотя бы и последнее пропить, лишь бы пьяну быть. О горе нам! Несть в нас воздержания от ядения и пития. Пием и ядим безвременно, яко скоты. А аще и от хлеба воздержуся, то неси, человек, но аки зверь; зверь бо хлеба не нет, а тело человече ест, тако и мы во гневе ядим тело человече, яко же Давид глаголет: снедоша люди моя в снедь хлеба. Аще бо воздержимся от хлеба, подобает воздержатися и от гнева и ярости, от клеветы и от всякия злобы; тогда не буду подобен зверю, но подобен буду Ангелу; Ангел бо не имать гнева и гордости, ни клеветы, ни свара, ни инаго коего зла. Аще кто и вина не пьет, и мяса не яст, а всяку злобу держит, то не лучше скота; всякий скот и мяса не яст и вина не пьет. А аще кто и на голой земле спит, а злое мыслит на друга своего, и того не хвалю в скот, который постели не имеет, все на голой земле спит. И аз вопию с Давидом: скотен бых у Тебе и скотом несмысленным уподобихся своим невоздержанием. О сицевых бо писано: не будете.яко конь и меск, им же несть разума, яко таковии царствия Божия не наследят; не внидет бо пост и молитва в душу оскверненную от пиянства, и пияни- цы не приемлет Бог. Аще бо по утру приидеши пьян к брату своему, смердя, каково от тебя смердящаго Богу? Да где тя учиню - в постниках или пьяницах? В церковь приходишь пьян, стоишь, аки истукан, устами позеваешь, а очима насилу презираешь, с ноги на ногу переступаешь, хребтом стены подпираеши, слюну умножаешь, часто плюешь, а от пиянства лице твое изменяется, сила и крепость твоя ни во что обращаются. Аще кто пиянство любит, тот богат и мудр не будет. Оставите злое пиянство; от пиянства бо и чревоугодия многая злая в пире сем быша: Адам за снедь и со Евою веселый рай погубите; Лот пьяный во кровосмешение с дочерьми сыесися; а того обычая злаго пиянства нодобного и нам хранитися. В том обычае пьянственном и мы ныне пребываем, многие грехи и беззакония в пиянстве сотворяем. Где нечистыя блуды? в пиянстве. Где брани? у пьяниц. Где кровопролития? у пьяниц. И за та беззакония наша казнит нас Бог бедами и скорбями, гладом и войнами, якоже глаголет Господь чрез Моисея: Аз Господь Бог ваш, за беззаконие ваше сотворю вам сице: приставлю на вы неимение, сиречь нищету и раны и коросты, вреждающия очи ваша и душу вашу сушащия, и всеете вотще семена ваша, изъядят бо я супостаты ваша и простру лице Мое на вас и падете пред враги вашими и побегаете, никем же гонимы; един погонит вас сто, а от ста побегнет вас тьма; вложу страх в сердца ваша и падут трупия ваша на сведение птицам небесным и зверем земным; из града, из коего выходило тысяча, в том останется сто, а из коего выходило сто, в том останется десять; а се град цел, а за утра пусть пребудет, и соберутся жители из пяти градов во един, построят домы, да не удастся дити (Лев.26). А сив вся злая попустит Бог за грехи наша. О горе вам, окаяннии человецы, понеже непрестанно согрешаете, учению не внимаете; сице бо учит Предтеча: покайтеся! А грехолюбец отвещает: ныне я млад, успею покаятися в старости. Бога умолю, и все доброе могу в старости исправити. А ныне я млад, покушаю сладко, напьюсь пьяно, поживу славно, и платье изношу красно, и всего наслуждуся, и довольно навеселюся. Уже в старости однако (все равно) каятися и Богу молитися, и в старости мене Бог помилует. О человече, не надейся на младость, как еще доживешь до старости? Послушай Господа глаголюща, яко не весте дне когда приидет кончина, сиречь смерть (Мф.20,36), смерть бо грешником люта. О грехотворче, убойся, аще яси и пиеши и без боязни грешиши, али ты без смерти будеши? Не прельщайся, от смерти бо не уйдеши. Не знаем, доколе живот наш и когда смерть будет, аще обрящет вы смерть во гресех, то почто и родились? Потщися чадо сложити бремя греховное, и очисти тело твое постом, украси чистотою, омый тело слезами, накади благоуханием молитвы, ты со святыми причтешися и царство небесное получиши.

Источник: «Официальный сайт Иркутской епархии»