«Возсия нам на воздусе всечестная икона Твоя, Владычице» (комментарий в цифрах и фактах)

	Чудотворный Тихвинский образ Богородицы (без ризы)

О явлении иконы Пречистой Богородицы, иже есть ныне на Тихвине

Воскресенская летопись. ПСРЛ. Т. VIII, С. 48

В лето 6891
Того же лета явилася икона, образ пречистые Богородица Одигитрие, в области Великого Новагорода, в Обонежской пятине, на Ояти в Выченицах, сто верст от града, а того никтоже весть откуду явилася; и бысть от тоа иконы Пречистыа образа чюдеса многа, и ту поставиша церковь в имя Рожество святыя Богородица. И не по мнозе времени оттоле сошла невидимо да явиласа на Кожеле, оттоле двадесять верст на Кукове горе, и на том месте поставиша церковь в имя Покров святыа Богородица; и оттоле явилася на Тихвине, над рекою на горе, икона образ Пречистые на воздусе, и собрашася множество народа на великое чюдо то, и на том месте на горе заложиша церковь, три венцы, в имя честнаго ея Успениа, и к нощи разыдошася людие по домом; наутрия же приидоша на то место, и не обретоша ничтоже, а струб церковный и икону узреша на другой стране реки Тихвины, и ту сврешиша церковь. И оттоле начат быти у пречистые Богородица на Тихвине велиа чюдеса верою приходящим, и стоя церковь и образ на том месте седмь лет, и згоре та церковь от свещи, а чюдотворную икону обретоша неврежену, и поставиша ину церковь.