О паломничестве, туризме и… религиозном туризме (Телепрограмма, 10.07.04) (комментарий в цифрах и фактах)

Летописецъ о стране вяцкой

(по Миллеровскому списку). РГАДА. – Ф. 181. – № 50. – Лл. 33–37.

Во времена же она набежание частое на Вятку Черемисъ и Отяковъ со стрелами и со оружиемъ бываше, и начинающихъ христианъ селитися пленяюще и селитвы ихъ раззоряюще. Наипаче же с Пижмы реки, что ныне въ Яранскомъ уезде, Черемиса для разорения часто набегающе въ волости Котельнича города. По реке жъ Кобре, отъ древнихъ повествуемо, христиане селитву зачинающе, имуще съ собою святый образъ святителя Николая чудотворца написанъ въ чудесахъ, и отъ нашествия Черемисъ тыя христиане бежаще съ реки Кобры лесами дикими и незнаемыми местами. И прошедше реку, что ныне нарицается Великая река, не ради величества оныя реки и наводнения, но ради великихъ чудотворений збывшихся по ней имя она река восприяла, взыдоша же тыя христиане на гору высоку и прекрасну зело и въ густой часчи леса на той горе святый образъ Николая чудотворца неведомо како судбами Божиими той святый образъ оставиша.

И по времени ономъ, егда восхоте Господь Богъ святителя Николая чудотворца образъ его святый явити чудесне человекомъ новопоселившимся отъ разныхъ странъ и пребывающимъ въ самовласти, скудно веру христианскую имущимъ и церквей въ уезде нигде не имуще, сицевымъ смотрениемъ быти устрои.

Въ лето 6891-е, а отъ рождества Христова 1387-е, при великомъ князе Московскомъ Дмитрие Ивановиче Донскомъ и при митрополите Пимине, до взятия Вятки из самовластия въ подданство великихъ князей московскихъ за 76 летъ, отъ града Хлынова внизъ по Вятке реке до устия Великия реки и вверхъ по Великой реке разстояниемъ всего 40 верстъ, вскрай Великия реки, на прекрасной высокой горе идеже искипе источникъ воды чистый, иже и доныне видимъ всеми и пиющимъ исцеления ради и здравия.

Явися сице: некий благовейнъ христианинъ близъ тоя горы селитву начиная, и еха на ону гору потребы ради своей и видитъ въ густой часче леса светъ велий сияющъ, и свещи мнози явишася, онъ же пришедъ на то светло сияющее место обрете святый образъ великаго святителя Николая чудотворца, и вземъ со тщаниемъ и теплою верою сердечною и привезе на возиле своемъ въ домъ свой и постави вне на храмину свою, въ ней же живяше, понеже въ ново жити начинающе и храмины малы имуще и предъ теми храминами забралъ не имуще. Въ тыя же дни человекъ некто христианинъ бе въ болезни тяжце и слыша о образе святителя Николая, нача призывати его скораго помощника съ теплою верою и абие внезапу получи скорое исцеление милостию святителя Николая чудотворца ради его явившагося святаго образа, и бысть тотъ христианинъ паче верою теплейше и нача повсюду прославляти и внезапное скорое исцеление сказоваше.

Слышаху же христиане начаша приходити къ тому святому образу, носяще болящия, и скорое исцеление получаху, и пронесеся о семъ чудотворномъ образе слава велика. И собрашася христианъ множество и испросиша у началствующихъ града повеление и поставиша церковь малу во имя чудотворца Николая и въ ней чудотворный его святый образъ поставиша, и бысть паки отъ того чудотворнаго образа чудесъ множайше.

По времяни же довольне града Хлынова началствуеми отъ освященнаго чина слышаху чудеса многа бываху отъ образа Николая Чудотворца, советовавше со всемъ освященнымъ соборомъ еже бы такое драгоценное богатство чудотворный образъ принести во градъ Хлыновъ ради многонародного собрания.

Христиане же тыя, иже имуще тотъ чудотворный образъ, нехотяше его разлучитися, со многими слезами моляше началствуемых града, еже бы им не лишенымъ быти таковаго безценнаго богатства.

Началствуеми же градодержатели со всемъ освященнымъ соборомъ и со множествомъ народа едва упросиша у техъ христианъ за обещаниемъ своимъ, еже имъ по вся лета съ темъ чудотворнымъ святымъ образомъ из града Хлынова приходить на чудотворное его место.

Во уреченное же время шедше града Хлынова благоискусни священноначальницы принесоша той святый чудотворный образъ святителя Николая чудотворца съ Великия реки во градъ Хлыновъ и поставиша въ церкви въ кремле городе построеной во имя его святителя Николая чудотворца въ лето 7059, и по вся лета обещание свое исполняюще, съ темъ чудотворнымъ образомъ изъ Хлынова на Великую реку шествие творяще, иже и доднесь совершается хождение со множествомъ народа.

Священноначальницы же градодержатели советующе, еже бы имъ ради многонародного собрания общий праздникъ узаконити, и повелеша провозгласникомъ во многи дни на торгу всему народу объявляти, дабы по недели всехъ святыхъ первую неделю Петрова поста все христиане постилися и въ пятый день, сиречь отъ Святыя Пасхи въ девятую пятницу, праздновали во граде Хлынове святителю Николаю чудотворцу и съ чудотворнымъ его образомъ великорецкимъ хождение кругъ всего града Хлынова учиниша съ постомъ и молитвою чудесъ ради бывающих отъ него, дабы христианскому народу той чудотворный образъ видимъ былъ и день празднества его явления ради чудотворнаго его образа всему народу узаконенъ былъ ведомъ.